في

كل الناس بيقولوا يارب

كل الناس بيقولوا يارب

عاوزين بعد ازمة الكورونا دي ما تنتهي باذن الله نفضل نقول يارب نذكره دايما نناجيه زي ما بنعمل دلوقتي ندعيه دايما بكل الي نفسنا فيه وندعي لغيرنا حتي لو مش موجود بظهر الغيب

لازم نفوق من غفوتنا وكل واحد يرتب وينظم ويحدد شكل علاقته بربنا هتبقي ازاي اكيد مقصدش الصلاه والصوم الي اغلبنا ان مكنش ٧٠ % مننا بيعملها

شكل العملاقه بربنا هتتحدد لما نبدا نعرف نغير شكل تعاملتنا مع نفسنا اولا ثم مع اهلنا واخيرا مع الي حاولينا لازم نعرف ان الدين معامله ده ربنا الي بيقول مش انا عني ايه الكلام ده

يعني طريقة معاملتك مع الي حواليك هتحدد قربك او بعدك من ربنا يعني

ست البيت الي مش وراها حاجه غير تنضيف البيت وعمايل الاكل تبدا تفكر في ولادها شويه وانهم محتاجين يحسوا انهم بني ادمين مش حيوانات بتتعلف وتتسمن عشان تدبح ع العيد الكبير

تبدا تعرف احتياجاتهم النفسية والعاطفيه وتحاول تحققها وحتي لو كانت ست عامله لازم تفضي جزء من يومها ليهم

قاعده في الرسيبشن كده وحوار اسري لطيف هيفرق مع الجميع

نيجي للاب

حضرتك مش بنك الفلوس الي طول الوقت بيلف حوالين نفسه وده لو في الاخر جاب فلوس انت مش هتجيب غير الي ربنا قسمهولك انشغالك عن ولادك مش هيبني مستقبلهم ده هيصيبهم باحباطات ومشاكل نفسيه لا حصر لها العب معاهم اتكلموا سوا حلوا فوازير خرجهم فسحهم طبعا بعد الحظر ما ينتهي وربنا يرفع البلاء

المعلم

اعرف ان مهنتك دي مهنة الانبياء عارف يعني ايه نبي يعني حاجه كبيره اوي عند ربنا يعني انت مسئول عن تغيير فكر ووعي اطفال لسه معندهمش اي معلومات وانت مصدر المعلومات الاول والاخير ليهم خليك انسان واتعامل معاهم كاب اولا وكانسان ثانيا خايف عليهم وعلي مستقبلهم ومتتعملش مع ولي الامر علي انه ذكيبة الفلوي الي لازم وحتما ولابد وغصبن عنه يغرف ويديك حتي لو مش معاه في ناس بتستلف عشان تعلم ولادها عارف ده معناه ايه ان الناس حاطه امل كبير اوي في التعليم متبقاش انت مصدر احباط ليهم

صاحب العمل او المدير

حضرتك لست أله لا سمح الله ولا سلطة فوقيه علي الجميع ان يتاطي لرغباتك بدون اي نقاش لن تكسب موظفينك بالتعالي والاوامر والتحكمات ولكن ستكسبهم باللين والحب والحوار المحترم الحضاري فيما بينكم سيتسابق الجميع لعمل ما تريد ولكن بالحب والموده وتذكر  بان الرحمه فوق العدل يعني طبيعي ان الناس كلها يحصلها ظرف طارئ بما فيهم حضرتك فمن لا يرحم لا يرحم

لازم نعرف ان ربنا ارسل لنا هذا الفيرس وهو جند من جنوده لان الله ليس غافلا عما يفعل الظالمون

الحروب في كل بلاد العالم الظلم والفساد انتشر بصوره مفزعه اصبح الجميع يحاول اخذ كل ما يستطيع اخذه ممن حوله سواء موظفين ادارات او احياء او حتي شركات كبيره الجميع اصبح يبيح السرقه واكل المال الحرام واكل مال اليتامي واخذ الحق في الاراضي والممتلكات حتي بين الاخوات

يجب ان نستفيق جميعا ونرجع لرشدنا وصوابنا ونتذكر ان الله قادرا علي ان يمحونا جميعا وياتي بخلق جديد

لا تستهتروا بغلق المساجد ودور العباده لا تستهونوا بكلمة صلوا في رحالكم فان وقعها علينا لشديد لا تستهونوا بدول اغلقت تمام وبنوك افلست واقتصاد وقع في وقت كان الجميع يلهث وراء المال الان الجميع يلهث وراء رضا الله ليخرجنا مما نحن فيه

وكل الناس بيقولوا يارب

رفع الله عنا وعنكم البلاء

هند خضيري

Written by Hendkhodery_752522

اسمي هند محمد خضيري
اعمل اخصائية نفسية باحدي المدارس
مدربة تنمية بشرية معتمدة مز النقابة العامه لمدربي التنمية البشرية
باحثة ماجيستير بجامعة عين شمس

Please Login to Comment.

طريقة عمل بسكويت العشر دقايق

دماغ الراجل⁦⁩ ودماغ الست